Çırê Musyon

12 Haziran 2013 Çarşamba

Rêhmeta Êziz Filît Doryeş ser yew Anekdot







Rehmeta Eziz Filit Doryeş waxtag Almanyad sürgünid'ib.imkan ew waxt guerê lawik viraştinî.
Yenû mi vir yew qaset dekerdi bi. Almanya ra ew waxt yew şinasi omêbi qaset Êziz xwe di ardibi.

Ew waxt teyp newe veciyabi kê herkes di çinêbî. Şarî ma qaset rêhmeta Êziz zedera qeyd kerdibi,her kêyê di qaset Êziz cenênî.
Zafî cênon goştari kerdinî û cir bermênî.

Vatinî wayê Êziz zaf ê ra zaf hês kênî.
Surgun Êziz ser zaf qehriyênî.

Êziz qijê xwi'd hem çiman xo ra hem zî dadiyê xwi kerdibi vin û yêtim bibi pil.
Na re zerrê piyorê Çoligijan cir vêşênî.

Piyorê Çoligijûn tera hês kerdînî.
Qaset Êziz zafi sürgünê xo ser lawik estibi.
Dima yêtimê xo ser viraştibî.

Yetimê ê di yena zunayişig dumrîyê xo û babî êy hêcî Filit'ra binê decayê bî.
Ni semedra lawik serê babi û dumrî yê xwî ser zî viraştibi.

Müşêre kên Fato hêci,
Vun Êz boncin dar agaci.
Wa xwîr weşîb wa xwîr vacî
Lê Êzo lê Êzizo,
şar umnûno tuê payizo.


Apê Êziz hêci Wisif bêlyê Çoligid xebityênî.
Hêcî Wisif vatişan gore Türkeşçi bi.
Êziz ni waziyêt apê xwi ser zaf qehriyênî.
Yew ruec vatişan guêre yew mektûb nisenû.

Eziz mektûb xwi dî vunû:
Wuso wuso wiriso,

Yena zunayiş, na cûmla Êziz gorê apê xwi ra zaf memnûn nyêb î.
Mektûb Êziz ser hêcî Wisif binêk pê decenû.
Hêci Wisif cevab xwi di qalê Êziz ser vunû:

Êzo Êzo lir xwêzo de bê lezo.

Êyr mi rêhmeta Êziz ser yew nistê wendibî, êna mersela amê mi vir  û mi nişt.

Irfan KAYA/Almanya

8 Haziran 2013 Cumartesi

Lawikê Çolîg

Oy çin, çini çini
lêro qeder mi çinû
kênê rind mi nigênî
cînî vîyê hê mi dimî

Cînî yên vêr pêrcînî,
her ruej mîr fînc erzêni,
bela xwı dûsnên mîrî,
vun ti mecbur ma gênî.

Cînî viyê pîyor zürkêrî,
cara munên pixêrî,
ge naver ge wuevêrî,
ma xortûn werdûn wuêrî.

Kênê rindêk û delal,
zewaj mîr'îz hêlal,
lêylî nibîya zelal,
cînî viyê mi kên nazar.

Ez êrdîşê xwî taşena,
Îşlig sîmin muêcnena,
zimbêlûn tezûn tadena,
paşne solun şiknena.

Cînî viyê veyvêd kay kên,
camêrd rindun êyar kên,
dêst yin gên govend uncên,
yobînonîr çim şiknên.

Xort kuên qeflê kênon,
sawên misk emberonî,
dismal dûn yewbinonî,
zê xezal loq erzêni.

Cînî vîyê pîyor zûrkêri,
cara monên pixêrî,
ge nawer ge wuêverî,
ma xortun verdên wuêri.

Kênê rind kuên mi vîrî,
qum derg û alışk sûrî,
say'a poti yin buêri,
mira vun ti sersêrî.

Ez taleh xwî sekêrî,
vêj sêr koy'un biqêrî,
talêh pirçin wuêkîrî,
hewalê kênun kêri.



Ina lawik  Çolig'ra Mahmut Ayçiçek nişta