Şeref û Xesiyet ho aşikonid

Ni hêdise 1980 ra ver Syerbê(Sivun) di, Şex Mêhyeddin serra viyerta.
Şeyh Mêhyeddin Kelaxsi, lacê Şeyh Hüsên efendi bi.
Rojek şinû Syerbê , verê Qehwexonê di cemaat yenû pyê ser.
Benû şun Syerbêyic Qehwexonera tek tek quêni dûr şinî kê xo.
Efendi têna verê qehwexone di monen û.
Waxt hîn bîyu şun , efendi tew gena xob xo fikriyenu û vunû ez tebera menda.
A hêl Meh Ceb(aşîk sivon) yenû verê Qehwera viyerenu ,vênenû efendî tena verê qehwi di runişto.

Meh Ceb vunû:
-Efendi xeyra ti tenay?
Efendi vunû:
-Meho ena dew di vahar şeref û xesiyet kes nêmendo.
Spêzê spon, ez tena ityad verda û şi kêyon xo.
Yew têk mira nêwa bê meyman mibi.
Mêh Ceb vunû:
-Efendi ez hema nêmerdo, .
Ti emş bêni meyman mi.
Efendi û Mêh piya dûnî ra şinî kê Mêh.

Mêh baxçê xo di doşek erzenû êrd û balişnan dormaley efendî di nunu ruê.
Di tenê dik zi birnênû, cênê Meh  şûm kena hêdrê ,pîya nûn xo wên.
A şew şex û Mêh teraqnênî.
Benû siba ,Mêh sêparê zî dunû şex û dima naşnenu otobos û efendî finênû rahar.

A roj ma qehwexonê Miyalonicon di roniştê bi efendî amê qahwexone.
Wenda piyorê civan û xortanid.

Efendî wa:
-"Ene welatid şeref û hêsiyet têna aşikan di esto"
-Aşik ma miyamra şêri se, ma piyor benî zêy cî.
Bişew şeref hesiyêt ni welat Mêh Ceb xelasna.
Ni vatê mi xo vira mekirin.
Na yena zunayiş,
êdet milletê ma têna aşîk devom kênî.

Irfan KAYA